Arkitektura vs Paisaia + Krokis: ARRETAREN TEMPOA - Deba

Proiektua paisaia-estrategian ezarritako irizpideei jarraituz garatu ahal izateko, urrats bat atzera egin dut, eta arbastatzeari ekin diot, inguruko fatxadak azaltzeko markatzen ditugun 3 ardatz horiekin. Hortik aurrera abiaduraren arabera izendatu ditut; Debako hirigunetik datorrena -> Abiadura motela, GI- 638 errepidetik datorrena -> abiadua azkarra eta bista Deba ibaiaren beste aldetik -> Abiadura estatikoa.

Hortik abiatuta, multzoa bolumetrikoki garatzen hasi naiz maketaren bidez eta 3 perspektiba horiek edukita. Abiadura estatikotik, dauden eraikinek sortzen duten fatxadarekin erabat hautsi nahi nuen, eta bolumena geruza desberdinetako lagin bat baino ez izatea nahi nuen, baina lerro berean. Abiadura moteletik, beheko solairutik irteten den bolumenak gainerako eraikinen eskala berean jarraitzea nahi nuen, eta sortzen den fatxada horren zati izatea, proiektuaren gainerakoa "neurriz kanpokoa" izan arren. Azkenik, abiadura azkarretik, bolumen osoa hobeto hautematea nahi nuen, beste eraikinen ondoan bezala, eskala erabat hautsi eta mendirantz igotzen da bertan integratuz. Une oro, arkitektura inguruan sortzen diren geruza ezberdin horien lotura-elementua izan dadin saiatu naiz.

Eraikina garatzen jarraitu dut, programa nahiko zatituta, baina erabilera eta erabiltzaile horien artean derrigorrezko interakzioa egon dadin saiatu naiz, eta, horretarako, komunikazioak "elkarrizketa" hori sortzeko tresna gisa erabiltzea erabaki dut. Ibilbide hori behartzeko, konplexuaren goiko aldean dagoen bi elementurik publikoenetako bat gehitu dut.

Hala ere, krokisak eskuz egin ondoren, konturatu naiz agian eraikina mendiaren barruan sartzea ez dela aukerarik onena.